Mat den Heebléiser um Tour

Zesumme mat den Hechtercher aus der Stad huelen d'Izeger Heebléiser iech mat op ee musikaleschen Tour duerch d'Land.
Vum Minett geet et an d'Éisleck laanscht den Théiwesbuer, duerch de Breedewee an d'Siichegaass, iwwer d'Musel an d'Atert. Dobei ootme mer d'Heemechtsloft a spillen tëscht Bëlleg a Schengen d'Lidder vum Muselgreechen an em Kätche seng gutt Pättercher.

Hei kënne mer net bleiwen a mir maachen ons op de Wee iwwer Boermereng bei d'Maus Ketty, wou de wäisse Flieder bléiht an déi kleng gréng Kaktusse picken. Mir dreeme vun den Tulpen aus Amsterdam oder de roude Rouse vun Athen. Mee jidderee weess, l'important c'est la rose a Rouse vu Lëtzebuerg fënnt een uerchter d'ganzt Land.

Nodeem ee klengen Himpchen ons gestärkt huet si mer nees um Dill a begleeden zu Conter de Batman, d'Flintstones, den Tintin a soss nach imaginär Figuren aus internationale Cartoons duerch de Festival.

Op onser Rees hu mer dann och nach d'Geleegenheet fir d'Footballslidd fir den FC Schinnegebeess, e Medley vun den Dëppegéisser an den Amiperas-Marsch fir déi méi eeler Semesteren ze spillen.

Wann deen Een oder Anere Loscht huet fir dëss gutt gelaunte Reess ze erweideren, da loost ons et wëssen. D'Heebléiser sinn um Dill a kënne sech mat engem ugepasste Répertoire, deen iwregens komplett vum Luc Rollinger arrangéiert ass a permanent erweidert gëtt, presentéieren.

Répertoire 2018

 

 

Heebléiser-Programm 2019

31. Mäerz: Porte ouverte CELO zu Hesper
16. Juni: Schampesfest zu Duelem
23. Juni: Nationalfeierdag zu Hesper
14. Juli: Wisefest zu Uespelt
20. Juli : Bande dessinée zu Conter
15. August: Léiffrawëschdag zu Greiweldeng

 

 

Kontaktéiert ons:

 

Wat och ëmmer Iech um Häerz läit. Hei ass d'Geleegenheet fir d'Heebléiser ze kontktéieren: